Sibulan, Negros Oriental—Misaad ang bag-ong natudlong director sa Negros Oriental Provincial Police Office nga puohon ang mga badlungong polis ug ingon man ang personalidad nga nalambigit sa iligal nga drugas.
Kini maoy pasidaan ni Sr. Supt. Agusto Marquez,Jr. nga maoy nihulip kang Sr. Supt. Melvin Omar Buenafe sa gihimong pormal nga turnover ceremony kagahapon sa buntag sa Camp Francisco C. Fernandez, sa barangay Agan-an lungsod sa Sibulan.
“But reading newspaper about policemen while they are on the streets when they are approached by people who needs help I feel so embarrassed if they misbehaved because this is a display of arrogance,” asoy pang Marquez kinsa midugang nga imbes nga mahimong protector nahimo silang mga oppressor sa publiko.
Si Marquez dihang mao pay nigunit sa Regional Intelligence Division sa Police Regional Office-7 ug maoy nag-imbestigar sa mga badlungnakapataktak na og 30 ka mga badlongon mga polis nga nalambigit sa nagkalain-laing mga kahiwian.
Samtang gisaad ni Marquez nga ipadayon ang nasugdang maayong record ni Buenafe pinaagi sa pagpakusog sa relasyon sa komunidad ug mihangyo sa ilang kooperasyon pagtaktak sa mga badlungong polis.
Miawhag si Marquez sa publiko nga pahibaw-on siya sa mga reklamo batok sa mga abusadong polis ug mihangyo sa mga local nga sakop sa media sa Negros Oriental sa pagpakatap sa iyang cellphone numbers ug website sa Negros Oriental.
Ang Negros Oriental maoy napiling Best Provincial Police Office sa tibuok nasud niadtong 2006 ug maoy ikaduhang dunay ubos nga crime rate sa tibuok rehiyon sunod sa Siquijor.