Sundalo gidakop

Usa ka sundalong giingong hubog ang gidakop human kini gipasanginlang nanion og armas diha sa stopover sa mga minibus sa Midway barangay Catmondaan sa barangay Catmon niadtong milabay’ng Biyernes.

Ang gidakop mao si PFC John Arc Bondoc, 37, sakop sa 79th Infantry Battalion nga nadestino sa Seaton, Negros Oriental ug residente sa barangay 8 sa lungsod sa Tuburan.

Matud pang Sr. Insp. Alvin Balio, hepe sa Catmon police station ang suspek gidakop ni PO2 Junillo Jurbina kinsa nagpuyo duol sa gihitaboan ug maoy gipangayoan og tabang sa mga tawo.

Dihang gisitar ang suspek ug gipangitaan og lisensya sa armas nga gidala wala kini makapakita og lisensya hinungdan sa iyang pagkadakop. Nakuha gikan kaniya ang duha ka paltik nga .45 kalibreng pistola nga may duha ka magazines, usa ka silencer ug upat ka buhing bala.

Ang suspek gikatakdang pasakaan og kasong illegal possession of firearm ugmang adlawa.