225 bag-ong polis nanumpa na
Pormal nang nanumpa kagahapon ang dugang 225 ka bag-ong polis sa ilang katungdanan diha sa Camp Sergio Osmeña nga gisugdan dayon sa “pasingot” atubangan sa ilang mga mahal sa kinabuhi.
Pipila ka mga ginikanan ug mga mahal sa kinabuhi sa maong mga recruits ang nakahilak ug duna say nag-ampo tungod sa ilang nakit-an apan kining tanang gipasabot sa kapolisan nga kabahin sa ilang training.
Tulo ka mga recruits ang nawad-an og panimuot ug nagsuka tungod sa kakapoy apan naulian ra dayon ug nakapadayon sa ilang gihimo.
Gawas pa kanila dunay 12 ka mga recruits ang gireserba apan wala paapila sa pagpanumpa kagahapon.
Ang maong batch gilangkuban kini sa 191 ka mga lalaki ug 34 ka mga babaye nga milampos sa lisod ug makuting proseso sa ilang mga papeles.
Matud pang Police Regional Office-7 director Chief Supt. Ronald Roderos dili sayon ang pagsulod sa polis tungod kay rigid ang physical training apan nagsubay sa tanang standards sa disiplina, pamatasan ug moralidad aron sila mamahimong responsableng mga polis.
Giawhag ni Roderos ang mga trainees sa paghimo kutob sa ilang makaya aron molampos sa ilang pagbansay-bansay aron mamahimo silang sumbanan sa uban.
Si Sr. Supt. Vicente Loot ang director sa Regional Human Resource Development Division sa PRO-7 mipatawag usab sa mga ginikanan ug mga mahal sa kinabuhi sa mga recruits kagahapon aron sila pasabton sa gisudlan sa ilang mga kabanay.
Si Loot mipasabot kanila sa rason nganong gikinahanglang buhaton ang susamang mga “pasingot” ug kung unsa pay mapaabot sa ilang mga anak diha sulod sa Regional Training School-7.
Gidid-an ang mga mahal sa kinabuhi sa pagbisita, pagsuwat ug bisan na sa text ug tawag sa telepono samtang ang mga recruits tua pa sulod sa RTS-7 aron mas maka-concentrate sila sa ilang trainings ug aron di mabalaka sa kahimtang nila diha sa gawas.
Aron usab kalikayan ang pagkatap sa makatakod nga sakit bakunahan ang mga recruits batok sa sakit nga Hepatitis tungod kay sa miaging tuig dunay
- Latest
- Trending
