Nagmalamposon ang usa ka Gabii sa Kabilin (Night of Heritage) nga gipahigayon niadtong Biyernes sulod sa ganghaan sa Casa Gorordo Museum agi'g pagtak-op sa kasaulogan sa International Museum month ug sa Philippine National Heritage month nga gisugdan niadtong Mayo 18.
Gitumong aron ipakita ang kaanindot sa kulturang Sugboanon, gisugdan ang maong selebrasyon pinaagi sa mga pasundayag sa mga
awit, balak ug sayaw ug gisundan sa usa ka pasunding sa mga nagsakay sa tartanilla ngadto sa nagkalain-laing museum sa Sugbo.
Lakip nga giduaw mao ang Cathedral Museum, The Sto. Niño Museum ug Yap-Sandiego Ancestral House, ug Fort San Pedro.
Ang maong pasundayag sa mga tartanilya nagsilbing usa ka paghandum sa kinaraang mga sakyanan nga gigamit sa mga katigulangan. “We would also like to offer our guests a chance to ride the calesa or tartanilla, a mode of transportation at the turn of 19th century as they move around from museum to museum”, matud ni Dr. Joy Gerra, ang executive director sa RAFI’s cultural heritage program.
Ang Gabii sa Kabilin gipasiugdahan sa Ramon Aboitiz Foundation nga gipangunahan sa iyang chief executive officer nga si Marian Aboitiz.