Miuyon ang konseho sa dakbayan sa Mandaue nga magbutang og mga security camera ang mga bangko, pawnshop, lending firm ug uban pa nga mga financial establishments sa dakbayan.
Ang konseho miuyon sa gipalabang nga resolusyon ni Majority Floor Leader Victor Biaño sa regular session ning semanaha.
“There has been a rush of hold-ups and robberies in pawnshop and bank in Metro Cebu that resulted to deaths,” nagkanayon si Biaño.
Gitahasan usab ang kapolisan nga maoy mosusi sa mga establisamentong nagkinahanglan nga mabutangan og mga security camera.
Naglakip sa mga devices nga gikinahanglan itaud sa mga financial institution sa dakbayan mao ang closed circuit television system, motion detector camera ug uban pang alarm systems.
Kahinumduman nga sa milabay'ng mga adlaw ning bulana ug sa miaging bulan daghang mga kaso sa pagpanulis ang nahitabo dinhi sa Sugbu ug usa sa napanglantawang makatabang sa imbestigasyon mao ang security cameras aron madali pagsubay ang mga identity sa mga suspek.