Usa ka performer ang gipadakop human giingong iyang giaswat ug mihagbong sa usa ka 10-anyos nga bata atol sa ilang show entablado sa sitio El Popular, barangay Zapatera, ning dakbayan kagahapon sa kaadlawon.
Ang suspetsado naila nga si Victorino Pulotan, 25, ug taga dalan Sikatuna St., barangay Zapatera samtang ang batang gihagbong molupyo usab sa naasoy nga lugar.
Sa inisyal nga imbestigasyon nga gihimo sa Fuente Police Station 2, nagtan-aw ang biktima sa suspek nga mipasundayag sa entablado kalit lang kining gikugos sa suspek ug dayong busdak niini.
Hinungdan nga nakaangkon ang bata og mga samad ug pangos sa iyang kalawasan, human niini daling miikyas ang suspek apan kini naabtan sa mga mirespondeng polis ug mga barangay tanod.
Ang suspek gikiha kagahapon ug nakapiyansa.