Usa ka miyembro sa Lungsod Batok Salaud (LUBAS) ang gidakop human kini pasanginling bunotan sa gidalang armas sa usa ka lalaki sa kilid sa Cebu Institute of Techology (CIT), sa may dalan N. Bacalso St., ning dakbayan kagahapon sa udto.
Ang suspetsado naila sa mga kapolisan nga si Jedito Mahawan, 36, taga sitio Tabucanal, Alumnos, barangay San Nicolas human ireklamo sa usa ka Jonathan Bacalso, 42, taga barangay Tisa.
Base sa report nga gihimo sa kapolisan sa Mambaling Police station sila si Police Sr. Insp. Bayarcal, SPO1 Joseph Toring ug PO3 Dominador Manosor maoy midakop sa suspek human giingong mihana-hana paglanit sa iyang dalang armas.
Nakuha gikan sa suspek ang usa ka paltik nga kalibre .38 rebolber snubnose nga may mga buhing bala ug gikatakdang pasakaan og illegal possession of firearms human wala kini makapakita og lisensya niini.