Duha 'sikop sa drug raid

Duha ka tawo ang gidakop may labot sa illegal drugs sa managlahing operasyon diha sa lungsod sa Liloan ug dakbayan sa Danao sa milabay'ng gabii.

Nadakpan diha sa sitio Bonbon, barangay Catarman, lungsod sa Liloan si Larry Jugalbot Cuyos, 42, residente sa maong dapit human dunay tawong nisumbong sa mga polis nga dunay nanuyop   sa maong lugar.

Si PO3 Ricardo Enriquez nagkanayon nasakmit  gikan sa suspetsado ang duha ka pakete nga shabu, mga tin foil, gunting, lighter, blade ug uban pa.

Ang grupo nila ni SPO2 Wilfredo Catorsa miadto sa maong dapit apan sa ilang pag-abot daling nakadagan ang mga kaubanan ni Cuyos ug kini ray ilang nadakpan.

Samtang sa dakbayan sa Danao ang usa ka Ulyssis Manulat, 55 ang gisikop sa grupo ni Supt. Larson Dechino pinasikad sa search warrant nga giluwatan ni Danao RTC Branch 25 Hon. Judge Edito Enemecio tungod sa paghupot og drugas.

 Nakuhaan kini og duha ka paketeng shabu lakip na ang pipila ka kagamitan sa pagsuyop.