Kanhi konsehal sa 'Lacion miayuda sa bombero
Kanhi konsehal sa lungsod sa Consolacion nga atua na nagpuyo sa Estados Unidos mitabang aron ang kabomberohan sa lungsod makaangkon og mga bag-ong kahimanan aron ilang magamit kun adunay mahitabo nga dagkong sunog.
Si kanhi Konsehal Victor “Bebot” Maglasang bisan kun taudtaod na nga nagpuyo sa Amerika apan wala pa malimot pagpangita og paagi aron makatabang sa iyang mga kaigsuonan sa lungsod sa Consolacion.
Gani ikaduha naman kini nga higayon diin si Maglasang mitabang aron ang kabomberohan sa Consolacion adunay mga bag-ong kahimanan nga ilang dali nga magamit kun adunay sunog nga mahitabo.
Nahibalo si Maglasang nga mao gyud kini ang nag-unang problema sa buhatan sa kabomberohan sa lungsod.
Gumikan niini, nakig-alayon siya sa
Nakunbinser ni Maglasang si Manion hinungdan nga wala kini magmakuli sa paghatag og mga kahimanan nga wala na magamit sa ilang buhatan alang sa kabomberohan.
Gawas sa mga sinena, sapatos ug fire hose sa kabomberohan, naningkamot usab si Maglasang nga adunay magamit ang kabomberohan kun adunay mga dagkong edepisyo nga masunog.
Giangkon ni Sr. Insp. Melchor Labuca, fire marshal sa Consolacion Fire Station nga ang karaan na nilang mga kahimanan makabalda gayud sa ilang gimbuhaton pagtubag kun adunay mahitabo nga sunog.
Gipasalamatan ni Labuca si Maglasang pinaagi sa iyang igsuon nga si Boy Maglasang hinungdan nga nahimo ang donasyon.
Matud pa ni Labuca nga dako kaayo nga gamit sa iyang mga tawo ang gipaabot nga donasyon ni Maglasang.
Sa iyang bahin si Konsehal Benedicto Abucay miingon nga nagpasalamat sila sa paningkamot ni Bebot Maglasang ingon man ni
Matud pa ni Abucay nga nagka-anam paglambo ang Consolacion ug nagkadaghan usab ang mga tawo busa angayan nga aduna na silay mga lakang nga himoon.
- Latest
- Trending
