Granada nakuykoyan

Usa ka hand granade nga   mahimo pang mobuto  nakaplagan sa usa ka mag-uuma didto sa gitikad niining luna sa barangay Arbor, lungsod sa Boljoon niadtong Sabado sa alas 4  sa hapon.

Matud ni SPO1 Vicente Soyoc sa Boljoon Police Station sa dihang nahinabi sa Banat News usa ka mag-uuma nga naila sa  ngalan nga si Emelito Sistoso Gabutero, 39, minyo molupyo sa nahisgutang lugar  nakakita sa maong granada.

Sa gihimong pagsukitsukit sa kapolisan nasuta nga nakawutan sa maong mag-uuma ang maong granada samtang nangguna kini sa iyang mga tinanom nga kamates niadtong tungora.”

Dugay na siguro kaayo na, nakalutan raman gud na sa baol nga gilubong,” dugang asoy ni SPO1 Soyoc.

Sa   kabalaka ni Gabutero dali niya kining gitugyan ngadto sa kapolisan aron paglikay sa peligro ug aron walay masugamak sa kadaot ilabi na sa higayon kun aksidenting mobuto ang maong butang.

Ang maong granada gikostudiya karon sa kapolisan sa lungsod sa Boljoon samtang nagpaabot og kamanduan gikan sa Cebu Police Provincial Office.