Cheap medicines bill aprobado na

Hingpit na nga giaprobahan sa kongreso ang “affordable medicines bill”  apan bisan pa man niini sa gihapon wala mahingpit matapos ang mga gimbuhaton sa mga magbabalaod sa nasud.

Kini ang pamahayag ni Senador Mar Roxas ngadto sa mga tigbalita nga nakighinabi kaniya isip reaksiyon sa nahingpit na nilang pagpalabang sa maong balaudnon.

Matud pa ni Roxas nga sulod sa tulo ka tuig nga nakalabay nga ang orihinal nga balaudnon ilang gisugdan sa pagtuki maoy ilang nagahin ang  gatusan ka mga oras.

Kini natigayon pinaagi usab sa ilang pagtambong sa mga committee hearings ug technical  working group meeting nga milungtad ug mokabat sa upat ka mga bulan.

“Finally, it’s done, but the  work isn’t over,” nagkanayon si   Roxas sa iyang pamahayag.

Si Roxas nga maoy principal author  sa Affordable Medicines Act ug co-chair usab bicameral conference committee   mipadangat sa iyang mga pagpasalamat sa mga sakop nga gipangulohan sa chairman sa bicameral committee  nga si Kongresista  Antonio  Alvarez  sa gihimo niining pagpirma sa natala nilang report.

Ang duha ka mga buhatan sa mga magbabalaod sa nasud  nakahingpit na sa ilang pagpalabang sa maong balaudnon ug giduso na ngadto sa presidente alang sa pagpirma niini.

“We may have had our differences but it was all worth it because the final version of this vital health measure is really a product of vigorous debate and comprehensive study,” ni Roxas pa.

Kahinumdoman nga si Roxas kinsa kanhi trade secretary ang gipasakaan og kaso sa dakong kompaniya sa mga tambal dihang iyang giduso ang tinguha nga baratong tambal sa nasud ang masinati usab sa Pilipinas.

“Our next steps are to call for an Affordable Medicines Summit with all sectors represented  so that a concrete implementation plan can be forged  and secondly we need to convence and active a congressional over sight committee to make  sure that the good intensions of this new law are indeed carried out,” dugang pa ni Roxas sa iyang pamahayag.