Bayot gisaka sa balay gipatay

Si PO3 Geromy Espinosa miila sa biktima nga mao si Randy Cawog Susalijo, 22 anyos ug lumad nga lumolupyo sa maong dapit.

Matud pa ni Espinosa nga nag-inusara nga natulog ang biktima sa ilang balay dihang gisaka sa wala hiilhing mga lalaki ug gipusil ang ulo.

Human sa maong pagpamusil ang duha ka mga mamumuno nga nagmaskara dali usab nga nanganaug ug yano lamang nga nanglakaw paingon sa bukirang bahin sa maong lungsod.

Ang silingan sa maong dapit maoy unang nakadiskubre sa patay’ng lawas sa biktima nga nagbuy-od sa sawog nga naligo sa kaugalingong dugo mao nay nipahibalo sa kapolisan sa maong hitabo.

Si Espinosa miingon nga maoy ilang pagtuo nga kaila sa biktima ang maong duha ka mamumuno sanglit nagtabon man sa ilang mga nawong dihang gihimo ang pagpatay niini.

Dugang pa niya nga sa ilang pakisusi sa mga silingan  maoy ilang nahibaw-an nga  walay mga dautang binuhatan ang biktima sa maong dapit gawas lamang sa pagkamahuyang niini.