Agri-sector mitiyabaw sa smuggling

Ang gobiyerno giawhag sa mga sakop sa stakeholders sa agriculture industry sa nasud nga unahon ang lakang batok sa smuggling aron masiguro ang food security ug ang mga mag-uuma makapadayon sa ilang maayong kinitaan gumikan sa pagsaka usab sa presyo sa world market.

Ang maong panawagan giduso ni Partylist representative Nicanor M. Briones sa Agricultural Sector Alliance of the Philippines (AGAP) atol sa opening sa 17th Hog Convention and Trade Exhibits niadtong milabay’ng Huwebes diha sa Cebu International Convention Center (CICC).

“Dapat siguruhin na kumikita ang ating mga farmers (we should ensure that our farmers are gaining) pinaagi sa pagprotiher kanila batok sa mga smuggling sa ingon dili maapektuhan ang produkto sa agrikultura,” sumala pa ni Briones.

Ang AGAP una nang nilagda sa memorandum of agreement ngadto sa Presidential Anti-Smuggling Group (PASG) sa pag-deputize sa 35 ka representanteng mag-uuma alang na sa 100 percent inspection sa cold storage facilities sama sa refrigerated vans ingon man slaughterhouses nga nagtago sa mga gipalusot nga  mga produkto.

Samtang sa iyang bahin si PASG Director for Intelligence Guillermo Francia niklaro nga nihimo silag mga lakang labot niini “We are now coordinating with affected industries since the issue on rampant smuggling has resulted to problems on the supply of our commodities,” sumala pang Francia

Sa pagkakaron nagtinguha siya nga mapasar ang House Bill 3110  nga Tariff and Customs Enforcement Act of 2007 nga mag-institutionalize sa partnership sa AGAP, PASG, private stakeholders ug sa Bureau of Customs aron pagsusi sa gipamalit nga produkto sa agrikultura gikan sa ubang nasud.

Gumikan kay ang mga mag-uuma maoy maapektuhan sa ilang kita nga mas ubos pa kay sa pinalusot nga produkto nga gibaligya sa kamerkaduhan nga barato.