Koreana gitulis sa Agus, Lapulapu

Koreana nakuhaan og mikabat sa 180 mil Korean won lakip na ang P20 mil ug $50 sa nag-inusarang tulisan didto sa Barangay Agus, dakbayan sa Lapulapu sa milabay’ng gabii.

Ang biktima mao si Mikyong Lee, 27, dalaga, usa ka Korean national nga temporaryong nagpuyo sa Wazpee Apartment sa Maribago, dakbayan sa Lapulapu.

Base sa imbestigasyon ni PO1 Alexander Septimo sa Theft and Robbery Section sa kapolisan sa Lapulapu nasayran nga samtang sakay sa usa ka traysikol si Lee usa ka tawo ang mikalit og sakay sa maong traysikol dayon  tion   sa usa ka icepick ngadto sa biktima ug deklarar nga tulis dala ang pagpangayo niini sa cellphone ni Lee.

Sa kakulba ni Lee sa maong sitwasyon gawas sa cellphone, iyang gihubo ang bag nga didto nahimutang ang mga salaping cash nga Korean won, dolyares ug pesos hinungdan nga naapil kini sa pagkuha sa maong tulisan.

Human sa maong pagpanulis, ang suspetsado dali kini nga nakasibat agi sa kabalayan sa maong dapit.

Ang drayber sa maong traysikol nga si Urcisio Cabuyaw Tabil Jr., 26, residente sa sitio Batoon, Pajac dali nga midangop sa barangay hall sa Agus ug lakip kini sa giimbestigahan sa kapolisan kun wala ba kini kalambigitan sa maong tulis gumikan kay wala kini makatabang sa maong Koreana.