Balay sa bokal gisaka
Duha ka mga gituohang kawatan misaka sa pinuy-anan ni bokal Wilfredo Caminero didto sa Sitio Looc barangay Poblacion, lungsod sa Argao niadtong Biyernes sa alas
Apan walay suwerte ang mga kawatan tungod kay nakamata ang usa sa mga anak ni Caminero nga si Alladen hinungdan nga napugos sila pagsibat ug wala molampos sa ilang dautang tinguha pagsulod sa maong pinuy-anan.
Matud ni PO1 Renato Nacaytuna desk officer sa Argao Police Station sa dihang nahinabi sa Banat News subay sa gihimo nilang ocular inspection ug imbestigasyon gitug-an ni Alladen nga nakasulod na diha sa ilang gate ang usa sa mga suspek samtang ang kauban niini maoy nagsilbing look out sa gawas nga bahin.
Ang tulisan nga gihulagway sa anak sa board member nga nagsul-ob og itom nga sinena daling nakalayat sa ilang koral paingon sa gawas aron dili mailhan human nakabantay kini nga dunay sakop sa panimalay ang nakamata.
Daling nakapahibalo sa kapolisan ang pamilyang Caminero ug sa pagresponde sa kapolisan pinangulohan ni SPO1 Jaime Mendoza nahibaw-an sa gihimo niining pakisusi nga walay bisan usa ka butang nga nahanaw gikan sa panimalay sa board member.
Nasayran nga si Caminero mao usab ang kanhi mayor sa maong lungsod sa dihang wala pa kini magpapili ug midaug sa pagka-bokal.
- Latest
- Trending
