Nakuryentihan samtang nikao'g ice candy

Patay nang nadangat sa Cebu City Medical Center ang usa ka otso anyos nga batang lalaki human kini makuryentihi niadtong Miyerkules sa udto diha sa sitio Puntod barangay Alaska, Mambaling ning dakbayan.

Sa report sa Homicide Section sa Cebu City Police Office  ang namatay nga bata giila nga si Giette Asamsa, residente sa nahisgutang dapit.

Base sa  imbestigasyon nila ni SPO4  Alex Dacua ug mga kaubanan sa Homicide Section ang biktima nagbarog kini kilid sa shell craft nga nagka-on og ice-candy dihang nakuryentihan.

Ang biktima gidali unta sa pagdala sa ilang mga silingan sa CCMC apan gideklarar kining patay na nga nadangat sa maong tambalanan.

Ang kapulisan nakahipos sa mga ebidensya nga usa ka improvised florescent lamp, extension wire nga 200 inches ang gitas-on, 2 ka wire 39 inches kolor puti ug laing 40 inches nga wire.