Sakop sa Crips gipusil patay

Patay nang nidangat sa Vicente Sotto Memorial Medical Center (CCMC) ang usa ka 2nd year High School nga tinun-an nga sakop sa gang human pusila sa laing menor de edad nga sakop sa laing gang kagahapon sa kadlawon diha sa F. Ramos, Jakosalem St.,  barangay Cogon, Ramos ning dakbayan.

Ang namatay giila sa kapulisan nga si Christian Allan Capite, 18, residenti sa D. Jakosalem St,. samtang ang nipusil kaniya usa ka 17 anyos, 1st year high school sa usa ka pampublikong tunghaan ning dakbayan, uban sa laing suspetsado nga ginganlan  og “Estoki”ug laing tulo nga wala pa mailhi.

Dihang ilang gikaabot ang mga suspetsado nga naglakaw usab   sa kalit lang namusil kini kanila makadaghang higayon  ug naigo si Capite sa dughan ug namatay.

Ang mga kauban sa biktima nisuway unta og gukod sa mga   suspetsado apan napakyas.