Populasyon sa Lapu mas nidako
Labihang taasa karon ang growth rate sa populasyon sa dakbayan sa Lapu-Lapu itandi sa ubang mga siyudad sa probinsya sa Sugbu.
Kini basi sa gipagawas nga resulta sa National Statistics Office (NSO) sa gipahigayon niining population census niadtong miaging tuig.
Ang populasyon karon sa nahisgutang dakbayan moabot na ngadto sa 292,530 gikan niadtong tuig 2000 nga duna lay 217,019 o dunay growth rate nga 4.2%.
Kini mas taas pa gani itandi sa national growth rate nga duna lay 2.04% diin moabot na ngadto sa 88, 574, 614 ang total population karon sa nasod.
Wala na hinoon masurpresa niini ang provincial statistics officer nga si Firmo Diputado, tungod kay giingong nagkadaghan ang mga mulopyo sa nahisgutang dakbayan.
“Daghan mang migrants didto kay nanarbaho man sa MEPZ, naa may atong concept nga kung dili sila mupauli within one week adto nato sila i-count,” sumala ni Diputado.
Sa pikas bahin, ang dakbayan sa Mandaue duna na usab karoy 318, 575 nga total population ug dunay growth rate nga 2.86%.
Samtang moabot na usab sa 798, 809 ang populasyon sa kinatibuk-ang dakbayan sa Sugbu ug dunay 1.46% nga growth rate.
Sa maong gidaghanon, mahimo nang posible ang pagdugang og laing distrito sa siyudad sama sa giplano nila ni Kongresista Raul
Kini tungod kay giingong 250 mil lang ang population requirement alang sa pagmugna og laing distrito sa
Sa susamang kalambuan, ang kinatibuk-ang lalawigan sa Sugbu duna na karoy 2,439,005 nga total population ug 1.68% nga growth rate.
Wala hinoon ilakip niini ang populasyon sa mga dakbayan sa Sugbu, Mandaue ug Lapu-Lapu tungod kay kini gitawag og mga “highly urbanized cities.”
Namatikdan ni Diputado nga nagkaubos karon ang national growth rate sa Pilipinas gikan sa 2.36% niadtong tuig 2000 ug karon 2.04% na lang.
Wala pa hinoon matino ang hinungdan niini kung kini tungod ba sa population control program sa gobiyerno o sa kalisod nga dugay nang nasinati sa mga Pilipino.
- Latest
- Trending
