Gipatay sa gikaestorya

Patay nang nidangat sa Cebu City Medical Center (CCMC) ang usa ka estambay human gipusil sa wala mailhing mamumuno mga alas 11:20 sa kagabhion niadtong Miyerkules diha sa sitio Lower Lomar, barangay Lorega ning dakbayan.

 Ang biktima giila sa kapulisan nga si Ramil Legaspi, 36,   nagpuyo   usab sa nahisgutang lugar.

Sa   imbestigasyon  ni SPO1 Rogelio Nedamo  gikatahong nakig-istoryahanay pa kini sa suspetsado apan kalit lang gipusil ug naigo sa dughan.

Ang biktima gidali   pagdala sa tambalanan apan gi-deklarar kining dead-on-arrival samtang wala na usab diha ang mamumuno.