Mga brgy sa M'daue  natagad bisa'g way ABC

Mga tinuig nga gahing nga pundo alang sa kabarangayan sa   Mandaue  gitagad gihapon  sa konseho sa dakbayan bisan kun  nagpabilin pa nga bakante ang lingkoranan sa Association of Barangay Council federation president hangtod niining panahona.

Kini ang nasayran sa Banat News kang Konsehal Emiliano Rosal, chairman sa committee on budget sa konseho sa maong dakbayan nga nahinabi kagahapon.

Gipasabot ni Rosal nga iyang gipaningkamutan nga matuki ang mga gahin sa kabarangayan sanglit iyang nakita ang panginahanglan niini. Giklaro niya ang mga gahin nga makasinati lamang og kalangan mao ang adunay ilang makita nga mga kakulian nga nagkinahanglan pa nga kakurihian sa labing dali nga panahon.

Si Rosal miingon nga ang kakuwang  og  representante sa ABC ngadto sa konseho wala makahatag og dakong epekto sa panirbisyo sa mga barangay opisyal sanglit makalihok man kini sa ilang mga gimbuhaton.

Sa nasayran nga ang ABC federation president sa dakbayan   nagpabilin pang bakante sanglit ang nagkaatbang nga sila si   Kapitan Glenn Bercede  ug  sa Banilad  Kapitan  Juveta Tuela Joy Ouano sa Opao ang nag-ilog man sa kadaugan.

Si  Ouano miangkon nga maoy midaog sa piniliay sa barangay sa miaging piniliay sa Nobiyembre 29   apan wala kini panumbalinga ni   Bercede kinsa miagkon usab og kadaugan.