Vorapin Gilumsan Sa Kumo Ni Gerry
Dakung kalamposan ang naangkon ni Gerry ‘Fearless’ Peñalosa dihang iyang gilumsan sa iyang nagbagang kinumo ang Thai challenger nga si Ratanachai Sor Vorapin sa ikawalong hugna aron magpabiling hari sa World Boxing Organization (WBO) bantamweight atol sa ilang engkuwentro nga maoy main event sa “Invasion: Philippines vs. The World” card kagahapon didto sa Araneta Coliseum.
Gawas nga napanalipdan ang bakus nga iyang nasakmit pinaagi sa pagpukan sa Mehikanong si Jhonny Gonzalez sa World Cup Boxing niadtong Agosto 12, 2007 didto sa Sacramento, California, si Peñalosa mipamatuod sab nga ang iyang kadaugan pinaagi sa six-round demolition ni Vorapin atol sa ilang unang engkuwentro pito na ka tuig ang milabay dili matawag nga “tsamba.”
Ang 35-anyos nga si Peñalosa mipabuhagay sa iyang tanang abilidad nga nakahatag kaniya og bentaha sa maong duwa.
Daghan ang midayeg sa gipakitang away ni Peñalosa kay dili kini basta-basta ug inutok ang iyang paghasmag.
Gani wala kini mobuylo sa nag-unang tulo ka hugna sa tuyo nga iyang panid-an ang estilo ni Vorapin. Diha na siya mibuhi og sineguro nga mga kumo sa ikatulong hugna nga masabak gyud sa nawong ni Vorapin nga miaksiyon na og kapula mugna sa nagbagang mga suntok ni Peñalosa.
Si Peñalosa mipabarag ni Vorapin sa makadaghang higayon pinaagi sa iyang solid combinations, apan ang bisitang boksidor nakalahutay gihapon bisan og nagkabulingit na ang iyang nawong sa kaugalingon niyang dugo.
Nagkadugo sab himuon si Peñalosa human masamad ang iyang agtang mugna sa accidental headbutt sa ikawalong hugna. Apan ang samaran nga si Peñalosa misamot hinuon kaisog ug gilumsan niya sa iyang kumo si Vorapin pinaagi sa left and right combination nga nakapaaghat ni referee Gino Rodriguez sa Chicago Illinnois pag-undang sa away sa oras nga
Si Peñalosa sa San Carlos City mi-inat sa iyang rekord ngadto sa 53-6-2 win-loss-draw diin 36 sa iyang mga biktima pinaagi sa knockouts, samtang si Vorapin sa Dan Khuntob, Thailand nahagba sa 72-10 win-loss ug 48 ang gipakamang.
- Latest
- Trending
