10-adlaw suspenso batok PO1 ok ni Pat
Giuyonan ni Cebu City Police Office director Sr. Supt. Patrocinio Comendador ang rekomendasyon sa Criminal Investigation and Intelligence Branch kabahin sa napulo ka adlaw nga suspension isip silot batok sa kontrobersyal nga polis nga si PO1 Jose Randel Buscato tungod sa pagsige niini og absent.
Gawas sa maong suspension wala usab kini madawat nga suweldo sa maong mga adlaw samtang girekomendar usab nga kini ipalabay gawas sa dakbayan sa Sugbu.
Si Buscato nahimong kontrobersyal human kini makulatahi sa mga nanag-inom nga mga miyembro sa fraternity diha sa
Si Buscato sa iyang bahin nihimakak niini ug kini mitug-an nga igo ra siya miresponde tungod sa pagpangayo og tabang sa iyang higala nga dunay gikabikil diha sa maong imnanan.
Ang hepe sa Pardo Police Station diin madestino si Buscato nga si Sr. Insp. Aureo Sanchez mipasaka og kasong administratiba kaniya gumikan sa kanunay niining pagka-late ug pag-absent sa trabaho niadtong bulan sa Disyembre ug Enero upat ka higayon.
Tungod niini girekomendar ni Sanchez sa CIIB nga kini silutan og pito ka adlaw nga suspension ug walay suhol nga madawat apan human ma-review ang kaso niini nasuta nga wala gyud makahatag og husto ug makatarunganong tubag sa pagsige og absent ug ka-late.
Kini maoy hinungdan nga gipatas-an sa CIIB-Investigative and Detective Management Unit ang silot ngadto sa napulo ka adlaw nga suspension nga walay suhol ug kini maoy giaprubahan ni Comendador.
- Latest
- Trending
