Disaster workshop sa CH

Gisugyot karon sa Cebu City Fire Department nga ipaubos sa disaster workshop-seminar ang mga empleyado sa Cebu City Hall.

Si Cebu City Fire Marshall Superintendent Ismael Codilla maoy nisugyot niini ngadto kang City Administrator Bimbo Fernandez atol sa ilang tigom kagahapong adlawa.

Ang maong lakang giingong gihangop ni Fernandez sa tinguha nga masayod usab ang mga kawani sa angayang buhaton panahon sa emerhensya.

Matod ni Codilla nga ilang hatagan og prayoridad ang City Hall sa disaster seminar tungod usab sa giingong kadaghan sa mga empleyado niini.

“Kinahanglan gyud ang disaster seminar sa City Hall kay daghan ang empleyado diha unya walo man na ka andana, makunsiderar nato nga high rise building,” sumala pa ni Codilla.