2 Cebuano sulod sa Top 10 sa Bar Exam

Duha ka Sugbuanon ang naapil sa top ten sa 2007 Bar Examinations nga naggikan sa University of San Carlos ug University of Cebu gikan sa 1,289 ka mga bar exam passers.

Ang Bar Exam gihimo niadtong Septiyembre sa milabay'ng tuig matag adlaw'ng Domingo diin 5,626 ka mga nangandoy'ng mamahimong abogado ang nikuha sa maong pasulit.

Ang duha ka Sugbuanong nabutang sa top ten mao sila si Jennie C. Aclan, sa University of San Carlos nga nakakuha og 82.10 percent ug nabutang sa top four ug ingon man si Christian B. Llido sa University of Cebu nga mikuha og 80.90 percent aron makuha ang ika-top 10, kauban usab si Vivian Tan sa UP-Diliman nga pareho niini og iskor. Duha gihapon ang nakakuha sa pwesto sa top seven.

Ang mga ni-top ten gawas sa duha, nag-una si Mercedita L. Ona, sa Ateneo de Manila University nga nakakuha og 83.55 percent; Jennifer Ong sa University of the Philippines-Diliman,83.35 percent; Yvanna Maalat sa Ateneo,82.75; Jeenie Aclan sa USC; John Michael F. Galauran, sa University of Caceres, 81.60; Karen S. Canullas sa San Sebastian College, 81.40; Cecille L. Mejiia, sa Ateneo de Manila University,81.35; Sheryl Ann D. Tizon sa University of the Philippines-Diliman,81.35; Marforth T. Fua, sa San Beda College,81.20; Ruby M. Luy sa Ateneo de Davao University, 81.15; Christian Llido sa UC ug Vivian S. Tan sa University of the Philippines-Diliman nga nakakuha usab og 80.90.

Samtang ang kinatibuk-ang listahan sa mga nipasar makita sa website sa www. supremecourt. gov. ph o ba kaha sa mga nasudnong pamantalaan.