Kawani sa spa gitulis

Trabahante sa usa ka spa gitulis kagahapon sa udto didto sa eskina Luna ug Governor Cuenco, barangay Banilad siyudad sa Sugbu.

Ang biktima nga si Jelona Valeza, 8, kasamtangang nagpuyo sa NGA, Lahug ning dakbayan pero lumad nga taga barangay Pulpogan 2, Consolacion, Cebu.

Samtang ang suspetsado giila nga si Edgar Rosales, 20, minyo, nagpuyo sa barangay Hipodromo ning dakbayan.

 Si Valeza naglakaw sa eskina padulong sa nahisgutang spa ug kalit giduol ni Rosales dungan sa pagbahad nga dunggabon niini ang biktima kun magdumili kini paghatag sa Motorola cellphone.Ang nahitabong tulis nasaksihan sa driver sa kliyente sa biktima kauban ang mga estambay sa maong dapit. Gigukod ang mga suspek hinungdan nga si Rosales nadakpan sa mga estambay ug walay pagduhaduha kining gikulata ug nakaagum og grabeng bun-og sa lawas.

Ang suspek nasikop ni Junie Arellano, traffic enforcer (CITOM) ug Constancio Alforo sa CCPO. Si Rosales natanggong karon sa Cebu City Police Office.