Jailer sa Catmon gilutsan warrant

Nalutsan og warrant of arrest si PO1 Walter Quirol, ang polis sa Carmen Police Station sa lungsod sa Carmen nga nag-atubang og kasong infidelity in the custody of prisoner human mapugahi og piniriso niadtong Marso 9.

Gibutyag sa hepe sa Carmen Police Station Insp. Carlos Reyes Jr., sa dihang nahinabi sa Banat News nga wala hinuon mabalhug sa bilanggoan si PO1 Quirol ug gi-release dayon kini sa korte human makabutang og pyansa nga P6 mil niadtong Martes.

Gipasabot ni Insp. Reyes nga iyang gipasakaan og kaso si PO1 Quirol nga maoy jailer niadtong tungora sa dihang nakapuga ang piniriso nga si Gelacio Villanueva nga nag-atubang og kasong murder.

Si Villanueva nakahigayon pag-eskapo niadtong petsa 9 niining bulana sa alas 9:00 sa gabii human gitugutan nga makagawas sa detention cell ni PO1 Quirol ang maong piniriso aron magka-estorya sa nibisita nga asawa niini.