26-anyos callboy na-AIDS

Usa ka 26 anyos nga lalaki nga nagtrabaho isip commercial sex worker  nasota nga may full-brown Acquire Immune Deficiency Syndrome (AIDS) karong unang semana sa bulan sa Marso ning tuiga.

Kini maoy gitug-an ni Dr. Rene Josef Bullecer, presidente sa Aids Free Philippines (AFP) sa dihang gikahinabi sa Banat News.

Matud pa ni Bullecer ang maong 26-anyos usa   ka college drop-out nga misulod na lang sa maong trabaho apan wala kini mohatag kanila og detalye kun asa kini gikan.

Sumala pa niini nga ang maong sakit nakuha kini sa biktima pinaagi sa pagpakighilawas niini sa 'multiple partner' diin sagol ang serbisyo niini pinaagi sa masahe, ug  isip usa ka professional nga callboy.

Samtang subay usab niini iyang gibutyag nga tulo gyud ka mga tawo ang natala nila karong tuiga sa unang quarter  nga  adunay duha  nga positibo  sa HIV-AIDS  nga pulos nagtrabaho sa gawas.

Ang duha nga positibo sa HIV-AIDS nadisketahan kini nila niadtong Pebrero sa miaging bulan ug ubos na usab karon sa ilang pag-monitor.

Matud pa niini nga ang usa niini usa ka seaman nga nagpangidaron og  42 anyos samtang ang laing usa nga positibo usa ka babaye nga domestic  helper  nga gikan sa nasud sa Singapore.

Base sa ilang rekord sa miaging tuig dinhi sa rehiyon siete adunay 196 ang natakbuyan sa makalilisang nga sakit ug napun-an karon og tulo hinungdan nga miabot na kini sa 199 apan ang 23 niini mitaliwan na apil na ang usa ka mahuyang sa miaging tuig.