Naghilak nga midangop sa kapolisan ang usa ka drayber og habal-habal human gidala sa duha niya ka pasahero nga tulisan ang iyang motorsiklo didto sa barangay Beto, Minglanilla, niadtong miaging gabii.
Si Arvin Armados, 19, taga Sangi, Calajuan, Minglanilla naghilak nga nagbaklay paingon sa lungsod aron ipa-blotter ang insidente.
Gibutyag ni Armada sa Banat News nga paingon unta siyang magpatubil aron mopahulay sa pagpamasahero sa giabangan niyang motorsiklo sa dihang gipara siya sa duha ka batan-ong lalaki ug mihangyong magpahatod sa Beto sa plete nga P40.
Apan sa dihang naabot sila sa Beto gipaderetso siya sa mingaw nga lugar saylo sa usa ka tunghaan ug didto gitionan siya og kutsilyo. Human siya gipakanaog, gipasirit ang Honda XRM 125 nga may plakang OS-
1801.