Nurse ug tinun-an sa nursing gitulis

Usa ka nurse ingon man nursing student ang nabiktima sa pagpanulis sa managlahing lugar ning dakbayan mga alas 7:00 pasado sa gabii niadtong Martes samtang ang ikaduhang nabiktima gitulis kagahapon sa ala 1:30 kagahapon sa kadlawon.

Base sa report sa Theft and Robbery Section sa Cebu City Police Office nidangop ang unang biktima nga si Dale Yu, 18, taga Sun Valley V. Rama Barangay Calamba, tinun-an sa Velez College, human mabiktima sa pagpanulis diha sa atubangang bahin sa San Carlos Seminary.

Si Yu nakuhaan sa iyang usa ka Ipod, ID sa tunghaan ug uban pang mga gamit, hinuon ang duha ka mga suspetsado gikatakdang pasakaan og kaso human sila mailhi nga sila si Negro Abendan ug Jake  Amistad.

Samtang ang ikaduhang nabiktima sa pagpanulis giila sa kapulisan nga si Charity Quicoy, 23, nurse sa Perpetual Succour Hospital.

Ang biktima nitug-an sa kapulisan nga usa ka bata ang nition kaniya’g kutsilyo samtang nagsakay siya sa jeepney diha sa dalan Magallanes, barangay Ermita kagahapon sa kaadlawon.

Nakuha sa biktima ang iyang pitaka nga adunay sulod nga 100 pesos, PRC license.