Higala ni Ruby dako'g matabang
Higala ug maoy giisip nga lig-ong testigo sa pagtulis-patay kang Ruby Jade Ruba dako og papel aron makapalig-on sa kaso batok sa tulo ka mga dinakpang suspek nga sila si Ivan Marabat, Mark Anthony Gabriel Labitad ug Carl Marx Carticiano.
Si Sr. Insp. George Ylanan, task force commander sa TF Ruby Jade Ruba mitug-an nga nagpaabot pa gihapon sila sa higala ni Ruba nga maoy iyang kauban dihang gitulis sila nga misangpot sa pagpamusil.
Si Ruba naigo diha sa likod ug milapos sa walang dughan hangtod sa walang pulsohan ug namatay samtang gitabang diha sa
Matud pang Ylanan nga tulo ka testigos ang positibong miila sa mga suspek, ang mga testigos wala makaila nila ni Ruba ug sa higala niini apan natungnan lang nga diha sila sa pagkahitabo.
Dihang sila mihana og tabang gikatahong gipangtionan sila sa mga suspek, si Marabat miangkong siya'y mikuha sa cellphone ug maoy mipusil kang Ruba samtang back-up si Labitad ug si Carticiano maoy drayber sa motorsiklo.
Sumala pangYlanan ang babayeng kauban ni Ruba maoy makahatag pa gyud og bug-at nga pamahayag kabahin sa hitabo ug makatabang kini pagpalig-on batok sa mga tulisan.
Samtang mipasabot si Ylanan nga ang pagpasaka usab og kaso batok kang Maria Baswa, ang giingong gibaligyaan sa tulo sa cellphone ni Ruba pamaagi kini aron matudloan og leksyon ang ubang mamalitay og mga kinawat.
- Latest
- Trending
