Mar Roxas moanhi sa Cebu ugma

Ang problema nga gisagubang karon sa nasud naggumikan sa suliran sa panggobyerno ug ang pagkahanaw sa pagsalig sa mga tawo ngadto sa mga institusyon, si Senador Mar Roxas nagkanayon.

“Our administration has yet to answer to a lot of the allegations thrown its way, and the most direct way of dealing with them is to tell the truth. Tell the truth or face the consequences,” si Roxas nagkanayon.

Karong Huwebes, si Roxas moanhi sa Sugbo aron makig-dialog sa mga trabahante sa Tsuneishi Heavy Industries and Shipyard sa Balamban ug molahos pagduaw sa merkado sa Pinamungajan.

Sa Biyernes sa gabii, motambong siya sa tigum sa Rotary Club District 3820 sa Cebu International Convention Center sa Mandaue ug motuki kalabot sa mga isyu sa kagamhanan karon.

Sumala pa niya nga ang administrasyon karon ni Pres. Gloria Arroyo gihasi og mga isyu gikan sa NBN-ZTE deal ug karong bag-o mao ang tripartite agreement sa China, Vietnam ug Pilipinas alang sa oil exploration sa kontrobersiyal nga Spratly islands.

“Papaano tayo dumating sa puntong ito, kun saan napakababa ang tiwala ng mga tao sa kanilang mga opisyales? Nakikita natin ang kahinaan ng ating mga institusyon,” matud pa ni Roxas.