Babayeng “pusher” sa ‘Lacion, arestado

Usa ka babayeng pusher sa  lungsod sa Consolacion ang nadakpan sa checkpoint sa kapolisan ug nasakmit ang mga ebidensiya nga 30 ka pakete nga shabu.

Nadakpan kini alas 8 pasado ang takna sa miaging gabii sa dalan  national sa barangay Poblacion Oriental  nga nahimutang sa atubangan sa karaang merkado publiko.

Ang nadakpan mao si Shiela Seno, 30, lumolupyo sa Nangka,  Consolacion.

Si Inspector Leoncio Maglangit Jr., hepe sa kapolisan sa maong lungsod maoy nangulo sa checkpoint nga gihimo sa kapolisan sa miaging gabii diha sa  dalan national.Si PO3 Allan Maglangit nga nahinabi sa Banat News miingon nga nag-angkas og habal-habal  si Seno dihang nadakpan.

Laing nadakpan nga mga pusher og shabu nga nadakpan sa mga ahente sa Philippine Drug Enforcement Agency and Management (PDEA)7 sa buy bust operation sa miaging gabii.

Si Reyford Yap nga maoy ahente sa PDEA 7 nga nahinabi sa Banat News niila sa  dinakpan nga sila si Vic Lubas, ug Jose Ain Jumao-as nga pulos  lumolupyo sa maong dapit.

Matud pa ni Yap nga nasakmit  ang unom ka pakete  kang Lubas ug duha usab ka pakete ang ilang nasakmit gikan kang Jumao-as.