80-anyos gitulis sa silingan

Gitulis ang usa ka mag-uuma didto sa barangay Balhaan lungsod sa Badian sa suspetsado nga una nang ni-prenda kaniya og paltik nga armas niadtong milabay’ng Martes sa alas 9:00 sa buntag.

Ang biktima giila sa kapulisan nga si Demetrio Acogido, 80 anyos, nagpuyo sa nahisgutang lugar.

Samtang ang suspek giila nga usa ka Neil Leproso,  walay trabaho ug molupyo ra usab sa nahisgutang lugar.

Matod ni PO1 Ivan Ray Juarez sa Badian Police station dihang nahinabi sa Banat News  ang biktima manira unta sa pultahan sa iyang pinuy-anan dihang kalit  niabot ang suspek.

Gitukmod niini ang tigulang ug natumba  dayong  kuha sa  pitaka niini nga giluklok sa bulsa nga dunay sulod nga P8,000.

Ang biktima mitumbok gyud sa suspek human kini mamay-ungi nga miprenda niya  kaniadto og .38  paltik.