Usa ang namatay ug laing usa ang naangol sa panagbangga sa duha ka motorsiklo didto sa kurbadahon nga lugar sa Sitio Tawig, barangay Palanas, Alcantara niadtong Domingo sa alas 2:30 sa hapon.
Si Russel Rafols, 36, taga Carcar ug negosyante ang namatay, samtang naangol ang usa ka Torex Banyoon, taga Moalboal.
Sumala pa ni Insp. Ranulfo Lastimoso nga si Rafols gikan nangolekta sa halin sa e-load ug paingon nang mopauli sa dihang gikabangga si Banyoon.
Nalabay gikan sa tagsatagsa nila ka motorsiklo silang Rafols ug Banyoon. Si Rafols nagrabehan tungod kay nabalibali ang kabukogan niini ug napiit ang kinatawo ug itlog.
Ang salapi nga nagpasad sa karsada nauli sa banay sa biktima.