Bomba nakit-an sa Bogo

Usa ka bomba nga aktibo pa og mahimo pang mobuto ang nakit-an didto sa baybayon sa barangay Nailon siyudad sa Bogo niadtong Miyerkules sa ala 1 sa hapon.

Ang kapitan sa barangay Nailon nga si kapitan Pio Masong Yorango maoy personal nga Mipahibalo sa kapolisan kabahin sa usa ka bomba nga nakaplagan sa usa ka mananagat diha sa baybayon.

Sa gihimong pakisusi sa kapolisan, positibo nga aktibo ug mahimo pang moboto bisan unsang orasa ang maong bomba nga gibanabanang susama og batiis sa tawo ang gidak-on ug gituohang gilubong diha sa baybayon sa maong barangay.

Pipila ka mga molupyo sa maong lugar nagtuo nga ang maong bomba panahon pa kini niadtong milabay'ng ikaduhang gubat sa kalibutan.

Ang kapolisan sa dakbayan sa Sugbu kasamtangang mikustodiya sa maong nakaplagan nga bomba samtang mihangyo kini sa Cebu Police Provincial Office (CPPO) nga magpadala og bomb expert aron ma-detonate ang maong bomba aron paglikay nga dili na kini makahatag og  piligro sa publiko. (Darrel A. Carumba)