Wa mohatag og panigarilyo gitipi

Namatay gyud ang usa ka pasahero sa multicab nga nagbiyahean sa Naga human gidunggab makadaghan sa usa ka lalaki nga wala niya hatagi og panigarilyo sa barangay Tungkop, lungsod sa Minglanilla alas 10:20 sa milabay’ng gabii.

Si Gerry Allanic, 28, molupyo sa Lower Calajoan, Minglanilla gideklarar nga dead on arrival sa Minglanilla District Hospital.

Si PO3 Allen Garciano sa Minglanilla Police Station miingon nga usa ka Jose Abalos Jr. nga kaubang pasahero ni Allanic ang nakakita nga nanakay ang duha ka lalaki ug ang usa ka nanghingi sa namatay.

Tungod kay P6 lang ang kuwarta ni Allanic wala kini mohatag hinungdan nga gidunggab kini makadaghang higayon sa dughan ug mga kamot.

Pagkataudtaod, gialarma ang maong mga lalaki nga nanulis sa usa ka Jessie Patron, 25, trabahante sa barangay Tunghaan ug nakuhaan sa iyang cellphone ug pitaka nga adunay sulod nga P100 ug importanteng mga dokumento.