Magsuong hubog nagmaoy sikop
Nagtingkagol sa prishon ug mag-atubang og kaso ang magsuon kinsa giingong hubog ug nagmaoy ug nani-on og armas ngadto sa ilang mga silingan niadtong Huwebes sa gabii diha sa sitio Sambagan, Barangay Tabunok, dakbayan sa Talisay.
Ang mga suspetsado giila sa mga polis nga si Jimmy ug Lando Lisadio, parehong hingkod ang panuigon ug nagpuyo sa nahisgutang lugar.
Ang mga biktima kinsa miluwat og affidavit kagahapon ngadto sa mga polis batok sa magsuong Lisadio mao sila si Rommel Esperwa, Dereck Emnace, Fredereck Antig, Leonedes Navares, Arnel Nacario ug Melitona Lastimosa, mga residente usab sa lugar.
Base sa imbestigasyon sa mga polis nga ang
Ang mga biktima mipasangil sa magsuong Lisadio nga nagbalik-balik og sulti og “unsa man isog mo!” ug mition ngadto kanila sa dalang pusil ug kutsilyo.
Gawas sa maong hitabo ang mga suspetsado giingong mition usab sa ilang pusil ug kutsilyo ngadto sa mga tawo nga nangagi.
Si Lastimosa mipasangil sa mga suspetsado nga mipalit og beer sa iyang tindahan apan ang gibayad niini ang pusil ug gani mipabuto pa kini diha sa yuta ug sa maong hitabo
Ang mga polis sa siyudad pinangulohan ni SPO1 Ricardo Balbutin ang mitubag sa maong alarma apan pag-abot sa mga polis ang mga suspetsado diha na sa ilang balay ug gipanid-an kini sa maong mga polis.
Apan kalit lang si Lando milabay og 10 kilos nga dumbbell ngadto sa jeep nga nagparada diha daplin sa karsada nga gipanag-iya ni Bacalso ug maayong pagkalumping sa atubangang bahin sa maong sakyanan diin ang danyos niini gibana-banang mikabat sa P4 mil.
Ang mga suspetsado mikanaog gikan sa ilang balay ug giduol kini sa mga polis ug nasakmit ang dala ni Jimmy nga kutsilyo ug si Lando ang nasakmitan og unom ka buhing bala sa kalibre .38 nga revolver nga gisulod sa bulsa niini.
Ang duha nagtingkagol karon sa prisohan ug gikatakda kagahapon nga pasakaan og kaso. (Brenda D. Batuto)
- Latest
- Trending
