Compostela magsaulog sa Edsa Revolution
Hingpit nga buksan karong adlawa Pebrero 22 ang upat ka adlaw nga kasaulogan sa Edsa Revolution sa lungsod sa Compostela ug gikatakdang tapuson karong Lunes sa Pebrero 25.
Ang kasumaran sa Edsa Revolution karong Lunes ang pagasaulogon sa tibuok nasud nga maoy hinungdan nga gihatagan kini og gibug-aton ni Pangulong Gloria Macapagal Arroyo pinaagi sa pagdeklarar sa maong adlaw nga walay trabaho.
Ang mga kalihokan sa maong adlaw nga pagahimoon sa tanang lokal nga kagamhanan tibook nasud ang pagatambongan sa mga kawani ug mga opisyal sa barangay lakip usab sa mga Girls Scouts ug Boy Scouts.
Sa unang adlaw nga pagbukas sa mga kalihokan ang pagasugdan pinaagi sa “walk-for-a-cause” sa alas
Ang mokuyog sa maong kalihokan nga magtapok sa Guiwanon sa Barangay Poblacion alang sa pagpanglakaw adto usab pagatapuson sa atubangan sa balay lungsod.
Si Mayor Ritchie Wagas maoy mangulo sa pagtambong sa kalihokan ug pagaapilan usab sa mga kawani sa kagamhanan ug mga opisyal sa barangay.
Ang maong tulumanon mao usab ang pormal nga pagbukas sa photo exhibit nga nagdala sa ulohan nga “1986 People Power Revisits.”
Magsunod usab sa maong kalihokan ang essay writing contest uban sa “1986 People Power: The Unfinished Revolution” nga maoy tema sa kasaulogan karong tuiga nga pagasalmutan usab sa mga tinun-an sa high school sa ikalimang distrito sa lalawigan sa Sugbo. (Romeo T. Limpangog)
- Latest
- Trending
