Lalaking hanas sa karate gidunggab

Mga samad sa nawong ug bukton ang naangkon sa usa ka tawo nga hanas sa karate  human gitabangan og dunggab sa miaging gabii sa wala mailhing  mga lalaki sa Zone Paliya, barangay Paknaan, dakbayan sa Mandaue.

Ang biktima mao si Joy Comeros, 34, minyo nga nagpuyo sa maong dapit ug trabahante sa dakong mall sa dakbayan sa Sugbu.

Si PO1 Roy Andrin ug PO1 Junrey Senopao nga sakop sa Alert team sa kapolisan sa Presinto 3 sa Basak Police Station maoy nakatubag sa maong alarma.

Si PO1 Reynante Jovin sa Homicide Section sa kapolisan sa Presinto 3 nga nahinabi sa Banat News miingon nga alas 7 sa buntag sa miaging Domingo nila nga gitubag ang alarma.

Dugang pa niya nga naglakaw pauli sa ilang panimalay ang  biktima ug kalit lang nga gisugat sa pagpanunggab nga maoy nakaingon sa grabeng pagkaangol niini.

Matud pa ni PO2 Jovin nga dali nga gidala ang biktima sa Vicente Sotto Memorial Medical Center sa dakbayan sa Sugbu  ug padayon kining giatiman sa mga doktor