33 paresan gikasal sa Consolacion

Hingpit nga gihiusa sa altar sa kaminyuon ang 33 ka paresan nga managhigugmaay sa lungsod sa Consolacion human makahukom sa pagpakasal atol usab sa kasaulogan sa Valentine’s Day niadtong Pebrero 14.

Ang pagkasalsa bag-ong magtiayon maoy kabahin sa kalihokan sa ika 88th foundinganniversary sa maong lungsod isip pagpahaum sa tema sa maong kasaulogan nga “Pamilya Bug-oson, Lungsod Amumahon.”

Ang laing kabahin sa maong kasaulogan maoang “Gawad ng Bayan 2008 Award” nga gitumong alang sapaghatag og pasidungog sa mga magpapatigayon nga nakahatag og dakong tampo sa kalamboan nga nakuha gikan sa gibayad niining buhis.

Gihatagan usab og pasidungog sa mga opisyal ugkanhi mga nahimong opisyal sa lungsodnga nakahatag og dakong tampo sa pagpalambo sa panirbisyo publiko ngadto sa katawhan.

Si Mayor Avelino Gungob, Bise Mayor Ember Alinsug ug mga sakop sa konseho sa maong lungsod maoy nangulo sa kalihokan nga gitambongan usab sa mga lumolupyo sa kabarangayan.

Si kanhi Konsehal Alfonso Albano maoy pinasidunggang mamumulong ug si Board Member Victor Maambong mao usab ang nagrepresentar kang Gobernador Gwendolyn Garcia kinsa gidapit sa maong kalihokan apan napakyas sa pagtambong.

Sa natad sa patigayon maoy gipasidunggan ang lima ka labing dako og nahatag nga buhis sa Consolacion nga naglakip sa Cosmos Visayas Bottlers, San Miguel Foods Industries, Signature Furnishing Inc., JB Orchids Pharmaceutical and Bodega Arts.

Samtang sa natad sa serbisyo sa elementaryschool category maoy gipasidunggan sila Doris Cabunilas, Antonieta Castro, Alejandro Lumapas, Violita Valiente ug Lolita Bihag ug Rita Valensuela sa high school category.

Sa mga kawani sa kagamhanan nga gipasidunggan mao sila si Virginia Pescador nga midwife sa lungsod ug Margarettte Rose Congson nga usa ka agriculture technologist ug daghan pa.