8 mieskapo sa CCPO

Walo ka mga dinakpan sa Regional Intelligence Division sa Police Regional Office didto sa lungsod sa San Fernando nga pulos nag-atubang og kaso sa ginadiling drugas angnakaeskapo sulod mismo sa Cebu Provincial Police Office Headquarters sa miaging gabii.

Si P/Insp. Francis De Vera kinsa bag-ong hepe saSan Fernando mitug-an sa mga tigbalita nga base sa records, niadtong Pebrero 4 pasado alas 3 sa hapon dunay gi-turn over nga dinakpan sa ilang buhatan ngawalo ka mga tawo ang mga sakop sa Regional Intelligence Division (RID) gikannag-operate diha sa sitio Lakaron, Pitalo sa maong lungsod.

Si De Vera miila sa mga nieskapo nga sila si Anecito Antiempo kinsa misurender pagbalik kagahapon sa buntag diha sa San Fernando Police samtang pabilin pang gipangita ang mga kauban niining sila si Iridea Baricuatro, Junnie Cabusas, AncelmoSaz Jr, Johnriel Aguanta, Joseph Canonigo, Geston Tantan ug Rex Abanilla, pulos residente sa Sitio Lakaron barangay Pitalo sa nahisgutang lungsod, ang walo gikuha sa usa kaPO3 Lopez.

Samtang si Provincial Intelligence Branch Supt. Juanito Enguerra miingon nga naabot pasado alas 5 si PO3 Danilo Lopez ug ginganlan og Dindo nga usa usab ka polis maoy nag-escort sa walo apan wala niya kini dawata kay way kandado ang ilang prisohan ug wala say order.

Matud ni Enguerra nga niinsister gyud ang duha ka polis nga ilang palitan og kandado ang detention cell.

Niingon si Enguerra nga ang iyang duty officer nga si PO1 Junarey Barangan misulti kaniya nga nibalik si PO3 Lopez pasado alas 6 na sa gabii ug nagdala og kandado ug order.

Dihang ipasulod na unta sa detention cell ang walo human pirmahi ni PO1 Barangan ang order giingong nibalibadpagpasulod sa walo si PO3 Lopez ugkauban niini kay papanihaponon una nila kini.

Niingon si Enguerra nga gipahibalo nalang siya nga nakaeskapo ang walo pagka gabii.

Giklaro ni Enguerra nga walay tulobagon si PO1 Barangan tungod kay gidala sa duha ka polis ang mgadinakpan.

Si Gornes sa iyang bahin miingonnga tulobagon na kini sa mga polis sa PIB tungod kay napirmahan naman ang maong order.

Ang hepe sa RID Sr. Supt Augusto Marquez miingon nga dunanay gihimong imbestigasyon sa mga polis sa CPPO ug RID nga nalambigit niini.

Kini tungod kay pulos nagtulod-tulod ang mga personnel sa PIB ug ang duha ka polis si kinsa kanila ang sad-an.

Sa nasayran ni Marquez ang walo gipasakaan og kaso nga Visiting Drug Den nga kalapasan sa Republic Act 9165, ug gani dunay upat sa walo ang gikatakda untang mobutang og piyansa kagahapon sa korte.

Si CPPO Director Sr. Supt Carmelo Valmoria mitug-annga apilon usab niya sa pagpa imbestigar sa PIDMB ang polis nga nadestino sa Service Security Group niadtong higayona aron mahibaw-an ang tinuoray nga hitabo nganong nakaeskapo ang walo.

Nunot niining maong hitabo nakahukom si Valmoria sugod kagahapong adlawa dili na niya pabutangan og piniriso ang detention cell sa CPPO.