Duha ka tawo naghupot og shabu sikop

Nasikop sa kapolisan sa dakbayan sa Danao ang duha ka tawo nga naghupot og shabu sa Sitio Ylaya Barangay Cogon Cruz dakbayan sa Danao sa milabay’ng hapon.

Ang nasikop mao si Herman Batuto Batiquin, 37, minyo, usa ka construction worker ug Elmer Oliverio Laurea, 27, ulitawo, usa ka drayber sa traysikad, ang duha pulos residente sa maong dapit.

Base sa imbestigasyon ni SPO4 Edgar Gomez nasayran nga personal nga mikuyog ang ilang hepe nga si Police Superintendent Larson Dechino sa pag-serve unta sa usa ka search warrant ngadto sa usa ka tawo sa maong dapit, apan sa dihang duol nalang sila sa panimalay sa ilang subject duha ka tawo ang ilang nakita nga midagan hinungdan nga ila kining gigukod ug dihang ila kining nasakpan ilaha kining girekisa.

Nailhan sa mga otoridad nga ang duha mao si Batiquin kinsa nakuhaan og duha ka paketeng shabu samtang si Laurea nakuhaan og duha usab ka gagmay’ng pakete nga shabu.

Ang duha nagtingkagol karon sa Danao detention cell.

Matud ni SPO4 Gomez nga ila pang susihon kung ang duha ka suspetsado mga pusher ba kini o user lang sa maong ilegal nga drugas, apan gipaniguro sa maong polis nga mag-atubang ang duha og kasong paghupot og ilegal nga drugas.