Magtiayong “pusher” gironda
Magtiayon nakuhaan og mga drugas atol sa pagronda sa kapolisan sa dakbayan sa Danao sa milabay’ng gabii base sa Search Warrant (SW) sa korte diha sa Barangay Sandayong Sur dakbayan sa Danao.
Ang subject sa maong SW mao ang magtiayong Nelson ug Rodeliz Mata mga legal ang panuigon ug residente sa maong dapit apan parehong nakaikyas.
Personal nga gidala ni P/Supt. Larson Dechino ang Hepe sa kapolisan sa dakbayan sa Danao ang maong SW ni Indse Edito Enemecio ngadto sa panimalay sa mga suspetsado mga 6:20 sa milabay’ng gabii, apan .
Bisan paman gipadayon gihapon ang paghiling sa mga gamit inubanan sa mga opisyales sa barangay gipanghulohan ni Sandayong Sur Barangay Kapitan Julieta Jopia ug mga konsehales diin duha ka paketing “shabu” ang nakuha.
Matud pa ni Dechino bisan pa nga kun wala madakpi ang magtiayong Mata padayon gihapon kini nilang pasakaan og kasong kalapasan sa RA 9165 ubos sa Sec. 5 Art. ll kun pagpamaligya og ginadiling drugas.
- Latest
- Trending
