Not guilty-kanhi presidente sa IBP

Kanhi presidente sa Integrated Bar of the Philippines (IBP) Atty. Alex Tolentino mi-plea not guilty niadtong Huwebes sa buntag sa gipahigayong arraignment sa kasong grave oral defamation nga gipasaka batok kaniya diha sa Municipal Trial Court in Cities Branch 1.

Si Tolentino  gipasanginlan ni PO2 Jerybel Lerio, polis nga nadestino sa Cebu City Police Office (CCPO) nga mibuhi ngadto kaniya og dili maayong mga pulong.

Base sa resolusyon sa maong kaso nga niadtong buwan sa Hulyo, 2007 ang Criminal Investigation and Intelligence Branch (CIIB) gipangulohan ni  Insp. George Ylanan   mipahigayon og pagpangronda ngadto kanila ni Emerita Bontuyan ug Alma Degamo kinsa giingong naghupot og ginadiling drugas.

Dala sa mga sakop sa CIIB ang search warrant batok kang Bontuyan ug Ledamo.

Niadtong Hulyo 2007 gidala ni Lerio ang nahisgutang suspetsado diha sa buhatan ni  Assistant City Prosecutor Raul Cristoria .

Base usab sa resolution sa maong kaso nga si Tolentino diha na sa buhatan ni Cristoria sa pag-abot niya uban sa mga suspetsado ug miprotesta kini aron dili maduso ang kaso batok sa maong mga nahisgutang suspetsado.

Si Tolentino giingong mibuhi og dili maayong pulong ngadto ni Lerio ug mibahad nga mopasaka og kaso batok kaniya ug sa iyang opisyal nga si Ylanan.