Lawas sa mananagat naglutaw sa dagat
Usa ka patay'ng lawas sa usa ka mananagat nga paingon nang madugta nakit-an nga nag-utaw-utaw sa kadagatan sa barangay Simala lungsod sa Sibonga,Cebu niadtong Miyerkules sa alas 5 sa hapon.
Si PO2 Ederlino Bacasmo sa Sibonga Police Station mibutyag sa pagpakighinabi sa
Matud ni PO2 Bacasmo ilang nasayran gikan sa mga tagtungod nga maoy miila sa patay'ng lawas ni Dioscoro sa paghiabot niini sa Sibonga niadtong miaging gabii nga niadto pang Biyernes petsa 25 sa Enero miggikan kini aron managat apan milabay na lang ang pipila ka adlaw wala kini mopauli ug wala usab silay balita niini.
Kini maoy hinungdan nga nagtuo ang mga tagtungod nga posibleng mibisita lang kini sa ilang mga paryente didto sa siyudad sa Naga apan ila na lang nahibaw-an nga nakit-an kining patay na didto na sa kadagatan sa Sibonga.
Matud ni Bacasmo ang mga mananagat ra usab sa Simala maoy nakakita sa patay'ng lawas niini nga baho baho na ug hapit na madugta samtang ang banka niini didto makit-i sa siyudad sa Naga alas 12:30 sa udto niadtong Miyerkules.
Sa inisyal nga pakisusi sa kapolisan gituohan niini nga walay foul play ug ang pagkalumos maoy hinungdan sa kamatayon sa maong mananagat. (Darrel A. Carumba)
- Latest
- Trending
