PUJ driver gitipi sa Lapu

Usa ka drayber sa de pasaheroang jeepney  gipusil patay sa duha ka wala mailhing tawo diha sa barangay Gun-ob, dakbayan sa Lapulapu kagahapon sa kaadlawon.

Ang biktima giila nga si Hermenigildo Ybañez, 33, lumad nga nagpuyo sa dalan Osmeña barangay Gun-ob sa nahisgutang dakbayan.

Matud sa Homicide section sa Lapulapu  sa inisyal nga imbestigasyon nga gihimo ni PO3 Manolito Abellanosa nga migawas sulod sa ilang pinuy-anan mga alas 4:30 sa kaadlawon ang biktima  alang sa iyang  panginabuhian.

Nakit-an ang lawas sa biktima nga wala nay kinabuhi diha sa atubangan sa ilang balay nga adunay pinusilan sa nawong, ulo, ug dughan.

Natino nga .9 mm ang pistola nga gigamit sa duha ka wa mailhing suspetsado.