Kampanya sa anti-carnaping ipatuman

 Gihingusgan sa   kadagkuan sa Traffic Management Group (TMG-7) ang pagpatuman sa ilang kampanya nga anti-carnaping ingon man anti-fencing dinhi sa rehiyon  7.

Kini maoy gipahibalo ni  Jesus Manubay, ang bag-ong hepe sa TMG-7 atol sa iyang pag-atubang sa mga sakop sa media kagahapong adlawa diha sa iyang buhatan.

Si Manubay miingon nga ang problema sa carnapping wala kaayo dinhi sa Sugbu, ingon man sa rehiyon 7 apan ang ilang gitutukon og maayo mao ang pag-recover niadtong mga kinawat nga sakyanan nga gikan sa Manila  nga nia dinhi gipamaligya sa Sugbu.

Matud pa niini nga base lang sa ilang nahibaw-an   sa nga adunay 40 ka mga kinawat nga sakyanan ang ilang na-recover samtang adunay  44 ka mga sakyanan   nabawi sa buhatan sa CIDG-7.

Subay niini iyang giawhag kadtong mga mipasangil sa ilang mga sakop nga  kunsabo sa mga karnaper sa pagrehistro sa mga sakyanan nga pasakaan nila og pormal nga reklamo.

Dugang pa niini nga tinuod aduna silay problema sa kakulang sa personnel sa ilang kampanya matag adlaw apan wala kini niya hatagi'g igong pagtagad ug mo-focus sila sa ilang misyon. (Guam P. Logroño)