Upat ka mga babaye ang gisikop tungod sa pasangil nga sila nanuyop og gidiling drogas diha sa usa ka panimalay sa sudlonong bahin sa Warwick, Barracks sa Carbon Market diha sa barangay Ermita.
Ang gidakop giilang sila si Marivic Esbra; Luminada Esbra; Marilou Manahid ug Marjane Laborte pulos mga residente sa nahisgutang lugar.
Ang misikop sa upat mao sila si PO2 Mario Ariel Nator, PO1 Juanito Bulahan ug PO1 Dennis Ornopia pulos nadestino sa Carbon Police Station.
Ang kapolisan gikatahong nakadawat og report gikan sa usa ka tinubdan nga dunay mga babayeng nanagtapok sulod sa usa ka balay diha sa nahisgutang dapit nga gidudahang nanuyop og drogas.
Dihang gisusi naabtan sa kapolisan ang upat diha sa nahisgutang balay ug sa ilang pagrekisa nasutang duna silay mga drug paraphernalia hinungdan sa ilang pagkasikop.