Usa patay 3 angol sa bangga

Usa ang namatay ug laing tulo ang grabeng naangol human magsungag ang traysikol ug  motorsiklo  sa dalan national sa barangay Banhigan, lungsod sa Dalaguete sa miaging hapon.

Ang namatay mao si Michael Utong, 26 anyos,  ug nangaangol mao sila si Johnny del Castillo ug Jesenito Alonso, 17, ug pulos lumolupyo sa barangay Buntod sa nahisgotang lungsod.

Si Demetrio Navarra, 30 anyos, nga lumolupyo usab sa maong dapit maoy nagdala sa traysikol nga gikasungag sa motorsiklo  ni Utong.

Si PO1 Maximo Belcenia nga nahinabi sa Banat News miingon nga nagpaingon sa dakbayan sa Sugbu ang motorsiklo  ug  gikasungag ang traysikol  nga kusog nga nagdagan subay sa maong dalan.

Matud pa ni PO1 Belcenia nga ang upat nga pulos nakasinati og grabeng pagkaangol ang dali nga gidala sa district hospital sa maong lungsod apan nakabsan sa kinabuhi diha sa  Vicente Sotto Memorial Medical Center  si Utong.