Rerouting sa Hubo gibutyag

Mopatuman na usab og rerouting ang Cebu City Traffic Group ingon man ang Cebu City Traffic Operations and Management (Citom) karong adlawa.

Kini subay usab sa pag-ilis na og sapot (Hubo) ni Sr. Santo Niño human sa tinuig nga pangilin sa balaang bata niadtong Enero 20.

Tungod niini sirad-an sa Traffic Group ug sa Citom ang mga dalan Osmeña Blvd (gikan sa D. Jakosalem St. paingon sa P. Burgos St.), D. Jakosalem St., ug P. Burgos St. (gikan sa Osmeña Blvd. kutob sa dalan Magallanes), nga muresulta sa pagpatuman sa rerouting.

Ang mga PUJ nga dunay 21B ug 22B nga rota nga moagi sa Osmeña Blvd., mo-left turn sa D. Jakosalem St., right turn sa Gomez St., ngadto na sa Urdaneta St., left turn sa Lapulapu St., right turn sa Jereza St., left turn sa M.J. Cuenco Ave., ngadto na sa naandan nilang rota.

Samtang ang mga jeep de pasaheroan nga gikan sa Banawa, Guadalupe ug Capitol nga muagi sa M.J. Cuenco Ave., mo-left turn sa Osmeña Blvd., right turn sa Lapulapu St., left turn sa Legaspi St., left turn sa Plaridel Extn., right turn sa Osmeña Blvd., ngadto na sa ilang destinasyon.

Sa pikas bahin ang mga PUJ nga gikan sa Pit-os/Talamban nga moagi sa M.C. Briones St., mo-left turn sa Lapu-Lapu St., left turn gihapon sa Legaspi St., right turn sa D. Jakosalem St., ug balik sa ilang naandang rota.

Ang mga PUJ nga dunay 10D, 09H, ug 12M nga rota samtang nagdagan sa dalan D. Jakosalem, mo-right turn sa Legaspi St., left turn sa Plaridel Extn., ngadto na sa Plaridel St., right turn sa Magallanes St., ug balik sa ilang point of origin.

Laing rota nga maapektahan sa rerouting mao ang magbiyahian sa Mandaue nga moagi sa dalan P. Burgos, mo-left turn kini sa Urdaneta St., left turn sa Lapulapu St., right turn sa Jereza St., left turn sa M.J. Cuenco Ave., ug balik sa ilang naandang rota.

Samtang ang mga PUJ nga dunay rota nga 08G, 09C, 10E, 12D ug 11D nga muagi sa P. Burgos St., mo-right turn sa Legaspi St., left turn sa Plaridel Extn., lahos na ngadto sa Plaridel St., right turn sa Magallanes St., ug dayong balik sa naandang agianan.

Sa laing bahin ang mga jeep de pasaheroan nga dunay 11A, 10G, ug 10K nga rota nga muagi sa Magallanes St., mo-right turn kini sa D. Jakosalem St., left turn sa M.C. Briones St., left turn sa Lapulapu St., right turn sa D. Jakosalem St., left turn sa dalan Colon, ug balik sa point of origin.

Ang implimintasyon sa rerouting plan magsugod sa alas 6:00 sa buntag ngadto na sa alas 8:00 karong gabii.

Subay niini ang Traffic Group ingon man ang Citom nipahimangno sa mga motorista nga musunod lang sa mga traffic sign nga ipakatap diha sa kadalanan.

Kini aron dili makahatag og kahasol sa ubang mga driver ug sa lain pang mga road user nga nagdali paingon sa ilang tagsa-tagsa ka destinasyon.